Services

Tæknin er mennsk

Mennsk ráðgjöf trúir því að
stafræn tækni eigi að aðlagast manneskjum,
en ekki öfugt.

Mennsk ráðgjöf nálgast öll verkefni út frá sjónarhóli þess sem mun verða fyrir áhrifum tækninnar. Við leggjum okkur fram við að skilja hver þörfin er og móta lausnina þannig að hún skapi sem mest virði svo tekið verði á móti henni opnum örmum. Þannig minnkum við gríðarlega sóun í tæknilegri uppbyggingu og innleiðingu.

Hvernig?

Þjónustuhönnun
(service design)

Til að geta hjálpað notendum að ná markmiði sínu er mikilvægt að skilja hvaða hlutverki vöruframboð okkar gegnir í þeirra vegferð.

Vinnustofur

Þjónustu- og upplifunarhönnun er samsköpun (co-creation).

Notendarannsóknir
(user research)

Besta uppsprettan að því hvaða þjónusta nær árangri eru þjónustuþegarnir. Hvað eru þeir að glíma við? Hvað færir þeim virði? Hvernig?

Kennsla/þjálfun

Fyrir teymi sem vilja taka boltann og hlaupa með hann.

Upplifunarhönnun (experience design)

Hönnunarhugsun (design thinking) er aðferðafræði sem við notum sem nýtir tól og tæki hönnunar til að mæta þörfum viðskiptavina.

Greining

Að skilja hver þörfin er og hvaða virði má bjóða áður en hlaupið er af stað.

Nánar

Magga Dora

Magga Dóra
Stafrænn hönnunarleiðtogi

Magga Dóra er með bakgrunn í sálfræði og tölvunarfræði og hefur unnið við stafræna þróun frá því fyrir aldamót. Eftir að hafa leitt stafræna þjónustu og innri viðmót hjá Símanum réð hún sig til starfa hjá stafrænu hönnunarstofunni MadPow í Boston, MA. Þar vann hún fjölda verkefna fyrir stórfyrirtæki í heilbrigðis-, menntunar- og fjármálaiðnaði og leiddi teymi í verkefnum sem voru allt frá því að móta stafræna stefnu fyrirtækja til endurhönnunar á stafrænni þjónustu.
Fyrir utan að starfa við stafræna hönnun, hefur Magga Dóra kennt tölvunarfræðinemum við HÍ og HR notendamiðaða hönnun og upplifunarhönnun nánast sleitulaust frá 2003.

Mennsk. ráðgjöf

Mennsk ráðgjöf nálgast öll verkefni útfrá því hverja þau snertir. Hvort sem það eru viðskiptavinir sem nýta sér stafrænar lausnir eða starfsfólk sem styður við lausnirnar. Öll ný vöruþróun hefur í för með sér breytingar fyrir þá sem taka þátt í að þiggja og veita þjónustuna. Með aðferðafræði hönnunarhugsunar (design thinking) og áralanga reynslu að vopni er engin breyting eða nýþróun of flókin til að ekki er hægt að koma henni á með samvinnu hagaðila.

Mennsk ráðgjöf var stofnuð 2020 sem byggir á meira en 20 ára reynslu við stafræna vöruþróun hérlendis og erlendis. Mennsk ráðgjöf nýtur stuðnings og snilldar frábærra sérfræðinga sem kallaðir eru til þegar verkefnin þarfnast þeirra.

Og fleiri...

Öryggi, aðgengi, vefun, forritun, skjáhönnun...

Stefán Birgir Stefáns

Textasmiður, grafískur hönnuður, vefstjóri

SJÁ - óháð ráðgjöf

Notendarannsóknir
Stafræn stefnumótun

Berglind Ósk

Notendamiðaður textasmiður

Hildur Björg

Stafrænn hönnuður

umsagnir

Umsagnir

Untitled%202_edited_edited_edited_edited_edited.png

Jón Svanberg Hjartarson,
framkvæmdastjóri

Neyðarlínan heldur úti vefnum 112.is og Ofbeldisgáttinni, en þangað leitar fólk sér upplýsinga og aðstoðar, jafnvel á viðkvæmustu stundum lífs síns. Þá skiptir miklu máli að upplýsingar séu réttar, skýrar og aðgengilegar. Þar hefur þekking, fagmennska og metnaður Möggu Dóru skipt sköpum. Hún býr líka yfir þeim einstaka eiginleika að vilja ganga skrefinu lengra fyrir viðskiptavininn. Hún lætur ekki nægja að leysa verkefnið sem liggur fyrir heldur kemur jafnframt auga á tækifæri til umbóta og þróunar sem bæta þjónustuna enn frekar

Védís Hervör Árnadóttir,
Umbóta- og þróunarstjóri

Kópavogsbær hóf markvissa vinnu haustið 2025 að innleiðingu lausna sem hafa það að markmiði að gera starfsemi og þjónustu bæjarins skilvirkari. Ráðgjöf og aðkoma Mennsk hefur skipt sköpum á þeirri vegferð í bættri stafrænni þjónustuveitingu. Ferlar í þjónustuveitingu flestra skipulagsheilda eru margslungnir þar sem mannlegi þátturinn er lykilatriði í hverju skrefi. Þar spilaði áratugareynsla Mennsk í m.a. upplifunarhönnun og notendarannsóknum stórt hlutverk sem og einstök lipurð í samskiptum og samstarfi.

Sigurjón Ólafsson, sviðsstjóri Þjónustu- og þróunarsviðs

Hafnarfjarðarbær vinnur að stafrænni umbreytingu í þjónustu bæjarins. Forsenda árangurs á þeirri leið er að hafa skýrt skilgreinda ferla þar sem leið notandans er vörðuð og tækifæri greind til að bæta þjónustu og stjórnsýslu bæjarins. Það hefur verið ómetanlegt að eiga Mennska ráðgjöf að og þá reynslu sem þar býr í þessum verkefnum. Ráðgjöfin er allt í senn árangursrík, fagmannleg og úrræðagóð. Og samskiptin sérlega ánægjuleg.

Hildur Sveinsdóttir,
deildarstjóri viðskiptatengsla

Magga Dóra kom með mjög faglega og sterka sýn á verkefnið sem hún vann með okkur. Verkefnið einkenndist af jákvæðum samskiptum, skipulögðum vinnubrögðum og færni við að stíga inn í margslungið verkefni ásamt því, sem er ekki síður mikilvægt, að miðla þeirri þekkingu og reynslu sem hún hefur aflað sér í sínum störfum. Allt þetta nýttist okkur vel í vegferðinni við að sýna frumkvæði í þjónustu, koma til móts við þarfir viðskiptavina okkar og umfram allt viðhalda ánægju þeirra.

Anna María Einarsdóttir,
Vefstjóri

Háskóli Íslands vinnur að endurbótum á vefsvæðum skólans. Eftir meðmæli annarra vefstjóra fengum við Mennsk til liðs við okkur og sjáum ekki eftir því. Þekking Möggu Dóru og Höllu á vefmálum er yfirburðar góð og fagmennska framúrskarandi. Þær eru ósparar á að miðla þekkingu sinni og samvinnan er í senn gefandi og skemmtileg. Ég get hiklaust mælt með samstarfi við Mennsk.

Tinna Traustadóttir, frkvstj
Sölu og þjónustu

Ráðgjöf [Mennskrar] við þverfagleg teymi innan fyrirtækisins hefur verið ómetanleg. Í flóknum verkferlum sem snerta marga hagaðila, innanhúss sem utan, hefur Magga Dóra ekki aðeins fram að færa tæknilega færni og sannreyndar “Design Thinking” aðferðir heldur nær einnig að lesa í aðstæður hverju sinni. Þannig hefur samvinnan við hana stuðlað að því að ólík sjónarmið í teyminu fái þann hljómgrunn sem nauðsynlegt er og útkoman verður eins og best verður á kosið.